Öyle ser-mestim ki idrâk etmezem dünyâ nedir

Öyle ser-mestim ki idrâk etmezem dünyâ nedir 
Men kimem sâkî olan kimdir mey ü sahbâ nedir 

Gerçi cânândan dil-i şeydâ için kâm isterem 
Sorsa cânân bilmezem kâm-ı dil-i şeydâ nedir 

Vasldan çün âşık-ı müstâğni eyler bir visâl 
Âşıka ma'şûkdan her dem bu istiğnâ nedir 

Hikmet-i dünyâ vü mâfihâbilen ârif değil 
Ârif oldur bilmeye dünyâ vü mâfihâ nedir 

Âh u feryâdın Fuzûlî incidübdür âlemi 
Ger belâ-yı ışk ile hoşnûd isen gavgâ nedir 

Fuzûlî | §